Barah e karam, yaad rakhain ke phone ki tasdeeq ka amal ikhtyari hai, lihaza aap e-mail ki tasdeeq par inhesar kar sakty hain aur apny phone number ki tasdeeq ko nazar andaz kar sakty hain.
Taham, agar ap number munsalik karna chahte hain, to barah karam apne Personal Area me log in karen or yaqeeni banaen k apki shanakht ki kamyab tasdeeq hogai hai. Is ke bad, "Tasdeeq ki pesh raft" ke widget main "Phone ki tasdeeq karain" ke button par click karain:
Apna phone number darj karain or "SMS code bhejen" ke button par click karain.
Is ke bad, aap ko aik SMS code mosool hoga jisay aap ny faraham karda field main darj karna hoga.
Agar ap phone ki tasdeeq karne me masail ka samna kar rahe hain, to sab se pehle, barah karam, check karen k apka darj karda phone number durust hai.
Mad e nazar rakhne k liye yahan kuch tajaweez hain:
- apko apne phone number k shuru me "0" darj karne ki zarurat nahi hai;
- Aap ko manually mulki code darj karny ki zaroorat nahi. Aap ke drop-down menu (phone number ki field ke samny flags sy dikhaya jata hai) main durust mulk muntakhib karny ke bad system khud kar tor par is ko set kary ga;
- code k anay tak apko kam az kam 5 minute intezar karna ho ga.
Agar ap ko yaqeen hay k ap ne har cheez durust tareeqe se ki hai magar phr bhi SMS code nahi milta, to ham dusra phone number try karne ka mashwara den ge. Ye masla aap ke farham karny waly ki taraf ho sakta hai. Is ke liye, field me mukhtalif phone number darj karain or tasdeeqi code ki darkhwast karen.
Is ke ilawa, ap voice ki tasdeeq ke zariye bhi code ki darkhwast kar sakte hain.
Ye krny ke liye, apko code ki darkhwast karne ke bad 5 minutes intezar karna hoga phr "Tasdeeqi code ki hamil voice call ke liye callback ki darkhwast karain" button par click karain. Safha is tarah nazar aye ga:
Barah karam zehan me rakhen k ap sirf is surat me voice code ki darkhwast kar sakte hain agar apki profile tasdeeq shuda hoti hai.